Hardtslåande, men tjukkegga
Ved god hoggteknikk kan eit skarpt sverd kappe eit lår, inkludert lårbeinet, tvers av. Dette klarte vi rett nok ikkje. Breiøkser har dobbelt så tjukt blad som sverd, og stoppar derfor lettare i bein. Dessutan kunne vi med fordel trena opp hoggteknikken vår ytterlegare for å maksimere hoggkraft og gjennomtrengingsevne, men effekten var uansett dødeleg med katastrofale skader. Det er ikkje utan grunn at øksa i vikingtidas metaforiske dikting blei sett på som eit monster som fortærte skjold og knuste rustning.
Kopien av Langeidøksa tolte fint belastingane den blei utsett for under testkuttinga. Den herda eggen var hard nok til ikkje å bli sløv mot beinet, og samtidig mjuk nok til ikkje å breste. Skaftet passa både i lengde, tjukkleik og tverrsnittsform. Det låg godt i hendene ved hogg, med lite vibrasjonar eller vriding på trefftidspunktet.
Andre testkuttingar
Her er nokre andre eksempel som viser effekten ved testkutting med ulike vikingtidsvåpen, blant anna breiøks.
Hurstwic (2012): Viking weapon test cuts against an animal carcass.
Vikverir (2012): Testcutting at Vikverirs 5th Anniversary.
