Kva hadde den veksande norske konge- og kyrkemakta vore utan ein stabil tilgang på heimleg jern? Eller den like viktige brynesteinen, for å halde våpen og reiskapar skarpe? I vikingtid og fram til 1300-talet forsynte spesialiserte bønder i fjell- og dalbygdene resten av landet med jern, til våpen, reiskapar, naglar til skip og bygg. Jern var sannsynlegvis også ein maktpolitisk faktor, og kan moglegvis vere med å forklare dei jernfattige danskane sin interesse i Viken-området.
Utmarksressursar, som jern og brynestein, utgjorde produkt og handelsvarer som var av særs stor betydning og omfang, men som har vore underkommunisert i historia om Noreg.